Lieders Futsal 4 - Vilasar CFS 3

No partido deste pasado sábado correspondente á xornada 11, as nosas conseguiron 3 importantes puntos contra o Vilasar de Sarria nun partido complicado que non se decidiu ata os minutos finais.
Un mal comezo de partido, no que as nosas estaban moi desorganizadas en defensa e sen ideas en ataque, permitiu que as visitantes se foran ao descanso con vantaxe. O primeiro gol das sarrianas chegaba logo dun tropezo de Tucha que deixaba á xogadora rival soa diante a nosa porteira ante o que nada puido facer Isa. O segundo gol... Pouco antes de pasar polos vestiarios Bea marcaba froito dunha xogada de estratexia.
Na segunda metade viuse un partido moi diferente, o Lieders collía o dominio do partido. O segundo gol das locais chegaba dos pes de Sandar logo dun saque de esquina. As nosas seguían a gozar da posesión o que lles permitía elaborar xogadas como a do terceiro, obra tamén de Sandar. O Vilasar conseguía o empate a 2 minutos do final polo que as nosas sacaban a porteira-xogadora aínda que sen resultados positivos. E cando xa parecía que o partido acabaría en táboas, Sandar firmaría un hat-trick que daría as nosas a victoria.
As nosas firman outro bo resultado nesta segunda volta, a seguir así rapazas. E ao Vilasar desexarlle o mellor nos partidos que restan. INSISTIR, PERSISTIR, RESISTIR E NUNCA DESISTIR