Lieders Futsal 2 - Rábade Futsal 0

Neste último partido, correspondente á xornada 14 da liga o equipo amosou un bo xogo colectivo fronte ao Rábade Futsal no que o equipo acadou unha nova victoria por 2 goles a 0.
Ao pouco de comezar o partido as nosas poñíanse por diante cun gol de estratexia, Marta ao saque dunha falta daba un pase a Bea que na frontal da área virábase para cun chute raso poñer o 1-0 no luminoso. As locais contaban con gran dominio no encontro e a pesar de contar con numerosas ocasións so marcarían un gol máis, que salía das botas de Mini que no rechace dun tiro anterior e vendo que a porteira estaba aínda no chan inventaba unha vaselina ante o que as xogadoras do Rábade nada puideron facer.
Xa na segunda metade, o encontro seguiría con dominio local pero na que as xogadoras se acomodaron un pouco e buscaban mais xogar o balón que procurar aumentar a diferencia no marcador. Nos últimos minutos, o equipo xogou de 5 para poder practicar esta maneira de xogar.
Sen máis, desexar moita sorte ao Rábade no que resta de competición.