CAMPIONAS DE COPA PROVINCIAL!!!!

CAMPEONAS!!!!

O pasado sábado o noso equipo proclamábase campión da Copa Provincial para poñer o broche de ouro a unha gran tempada, a nosa primeira tempada. En semifinais vencemos ó Burela por 4-2, con goles de Bea, Mini e Nuri(2); o rival na final foi o Monterroso Feminino, o resultado foi tamen un 4-2, con goles de Sandar, Nuri, Sabela e Armesto.
Acadar este título non sería posible sen o traballo que fixeron todos e cada un dos que forman parte deste club, desde as xogadoras que o sábado saltaron á pista como as que estaban nas gradas, as que non puideron asistir e aquelas que tiveron que abandonar o equipo ao longo da tempada por diferentes motivos. Moita responsabilidade deste triunfo tena Rubén Mouriz, o noso adestrador, que desde o primeiro día confiou en nos e que traballou incansable durante todos estes meses para sacar o mellor de cada xogadora; tamén agradecer a compañeiros e amigos de Rubén, como Jose, Illi e Costoya que lle axudaron a el e a nos durante todo o ano. A todos GRAZAS por defender ese escudo, GRAZAS por dar tanto de vos. Agradecer tamén a todos os nosos patrocinadores e colaboradores, sen vos todo sería infinitamente mais complicado. E un milleiro de GRAZAS a todos os que nos apoiades, desde o primeiro día, que nos animastes a seguir adiante.
Por último, felicitar ao Viveiro FSF, ao Burela FS e ao Monterroso FS pola gran competición que fixeron e polos bos partidos que realizaron o sábado